Danke Franca!

Liebi Daniela

Mit so viel Professionalität und immer top vorbereitet häsch du immer cooli Trainings gäh. Niä isch es langwielig gsi. Im Gägäteil. Immer sehr luschtig und spannend.

Du häsch mich wüchentlich bi jedem Training motiviert zum a mini Bestleistig z’cho und mini körperliche Fortschritt sind schnell sichtbar gsi. Mich hät natürli nid nur s’gueti Training a dir interessiert, alli Gspräch, au diä wo mängsmal sLäbä nid zum guete schriebät, sind wertvoll gsi und ich han jedi gmeinsami Minute sehr gschetzt und gnossä.

Da ich leider wegzügled bin isch es für mich örtlich eifacht nüm möglich zum zäme trainiere. Du bisch und bliebsch ä wundervolli und eimaligi Persönlichkeit, wo en feschtä Platz i mim Herzä übercho hät. Sältä trifft mer so herzensgueti Mänschä wie dich.

Ich wünsche dir für die nöchste 10 Jahr wieterhin spannendi Begegnige mit de beste Chunde!